
बिर्तामोड, माघ २५ । झापाको बिर्तामोडमा सडक दुर्घटनामा एकजना महिलाको मृत्यु भएको छ ।

आज बिहान अन्दाजी ५ः३० बजे बिर्तामोड २ चारपानेस्थित पूर्वपश्चिम राजमार्गमा नम्बर नखुलेको सवारी साधनले ठक्कर दिँदा बिर्तामोड ६ जलकन्या बस्ने ६५ वर्षीया चन्द्रकला राईको मृत्यु भएको हो ।
पैदलयात्रीलाई सवारी साधनले ठक्कर दिई घाइते भई लडिरहेको अवस्थामा स्थानीयले प्रहरीलाई खबर गरेका थिए । घाइतेलाई उपचारको लागि प्रादेशिक अस्पताल भद्रपुरतर्फ पठाएकोमा डक्टरले जाँच गर्दा उनको मृत्यु भइसकेको थियो ।
ठक्कर दिने सवारी साधनको पहिचान तथा खोजतलास गर्ने कार्य भइरहेको जिल्ला ट्राफिक प्रहरी कार्यालय झापाले जनाएको छ ।