बिर्तामोड, फागुन ९ । लायन्स क्लब अफ बिर्तामोड स्मार्ट लेडीले झापा अर्जुनधाराका हात्ती प्रभावित स्थानीयलाई टर्च लाइट वितरण गरेको छ ।
अर्जुनधारा वडा नम्बर ८ का स्थानीय हात्ती प्रभावित नागरिकलाई राहतस्वरुप टर्च लाइट वितरण गरिएको क्लबकी अध्यक्ष मञ्जु उप्रेतीले जानकारी दिइन् ।
सानो संसार ल्यान्ड एन्ड हाउजिङका निर्देशक प्रकाश उप्रेतीको सहयोगमा टर्च लाइट वितरण गरिएको हो ।
कार्यक्रममा प्रमुख अतिथि रहेका वडा अध्यक्ष कुमारप्रसाद उप्रेतीले क्लबले गरेको सहयोगप्रति धन्यवाद दिँदै आफ्नो वडामा कार्यक्रम ल्याएकोमा खुसी व्यक्त गरे ।
क्लबकी अध्यक्ष मञ्जु उप्रेतीको अध्यक्षतामा भएको कार्यक्रममा स्वागत मन्तव्य क्लबकी संस्थापक अध्यक्ष लीलादेवी मैनालीले गरेकी थिइन् ।
कार्यक्रममा एबिसी नेपालकी अध्यक्ष कञ्चना ढकाल सिटौला लगायतको उपस्थिति रहेको थियो । कार्यक्रमको सञ्चालन क्लबकी द्वितीय उपाध्यक्ष सरु भुर्तेल खनालले गरेकी थिइन् ।
